【疫情期間好去處】

  • 首頁
  • >
  • 【疫情期間好去處】
日期: 16/09/2020

#疫情#水上活動#香港好去處#海邊#

疫情期間好去處

香港疫情第三波爆發了一段時間了,加上近日疫情稍有好轉,防疫措施日後亦可能陸續放寬,相信好多屈係屋企既人都開始按耐不住想出去。但係疫情未完,有咩地方可以避開繁囂既城市,有咩活動刺激好玩又少人玩呢?

橋咀洲

圖片來源:
https://reubird.hk/blog/%E8%A5%BF%E8%B2%A2-%E6%A9%8B%E5%92%80%E5%B3%B6/Kq-sharp-island

相信有好多朋友仔都係西貢玩過獨木舟,唔知大家有無去過橋咀洲呢?
橋咀洲入面有好多靚景適合情侶去打卡。例如連島沙洲係潮退既時候會出現一條石路連住小島橋頭,只要捉好潮漲潮退既Timing就可以影到一輯靚相架啦!
中意探險既朋友仔可以選擇由西貢划艇過去橋咀洲,亦可以係橋咀洲附近浮潛,唔止可以見到珊瑚,幸運既仲可以見到小醜魚添!
一家大細就可以去橋咀洲的半月灣海灘游水同BBQ。

但大家走既時候記住帶走所有垃圾,一齊守護橋咀洲尼個咁靚既島嶼!

水口泥灘

圖片來源:https://kknews.cc/travel/p2r55mp.html

每年夏天大家都一窩蜂去沙灘,尤其係今年大家因爲疫情無得周圍去,令到香港沙灘逼爆曬!其實泥灘都係一個唔錯既選擇,好適合家長帶住小朋友係暑假走出城市,親親大自然。係泥灘可以見到彈塗魚、馬蹄蟹等奇怪又可愛既小動物,真係一個唔錯既體驗黎架!不過大家要記住保護好生態環境,唔好輕易傷害同帶走果度既小動物啊!唔好聽到“泥灘”就覺得一定係唔美觀同污糟邋遢。水口泥灘有一個非常出名既景象叫“水口天空之鏡”,推介比中意影靚景既朋友仔!特別係日落既時候,情侶黎水口泥灘拍拖真係超級浪漫架!

鹽田梓

圖片來源:https://www.discoverhongkong.com/tc/explore/great-outdoor/explore-the-local-hakka-culture-yim-tin-tsai.html

如果去過橋咀洲,大家都可以選擇去游覽鹽田梓架!又有得影相又有得食野!

大家可以係西貢搭街渡直接去鹽田梓,亦可以租借直立板或者透明獨木舟。划艇過去既人會經過神秘既紅樹林,如果坐透明獨木舟仲可以一覽無遺咁欣賞到紅樹林既生態添!

到達鹽田梓後,想影靚相既可以去鹽田、文物室、聖若瑟堂;唔想影相既不妨可以品嘗下傳統客家茶粿同五花茶,一路食一路同朋友傾計,度過一個別致既下午。

游覽鹽田梓既時候都要保護好自然環境,垃圾記住攞走啊!

大家去之前可以向鹽田梓鹽光保育中心了解景點的開放時間,查詢電話係27916226。